மதுரையில் நாளை அறிவியல் செயல் விளக்க முகாம் மாணவர்கள் பங்கேற்கலாம்

மதுரையில் எல்.எம்.இ.எஸ்., அகாடமி சார்பில் பள்ளி மாணவர்களுக்கான 'பிக் பேங்க் சயின்ஸ் ஏ தான்' என்ற அறிவியல்செயல் விளக்க முகாம் நாளை (மே19) கோரிப்பாளையம் சாய்ராம் மெட்ரிக் பள்ளியில் காலை 10:00 மணிக்கு நடக்கிறது.மாணவர்களிடையே அறிவியல் ஆர்வத்தை ஏற்படுத்துவதும், செயல்வழிக் கற்றலின் அவசியத்தை உணர்த்துவதும் இந்த முகாமின் நோக்கம். முற்றிலும் மாறுபட்ட கோணத்திலான அறிவியல் விளக்கங்கள் அனைவரையும் ஆச்சரியத்தில் ஆழ்த்தும். 

இதுபோன்ற அறிவியல் செயல் விளக்க முகாம்கள் வளர்ந்த நாடுகளில் மட்டும் நடத்தப்படுகிறது. இந்தியாவில் தற்போது இது நடத்தப்படுகிறது. இம்முகாமில் 8 முதல் 17 வயது வரை உள்ள மாணவர்கள் பங்கேற்கலாம். நுழைவு கட்டணம் 199 ரூபாய். மதிய உணவு, சயின்ஸ் கிட் வழங்கப்படும். முகாம் ஊடக உதவியை தினமலர் நாளிதழ் வழங்குகிறது. முன்பதிவு செய்ய WWW.LMES.IN இணையதளத்தில் பதிவு செய்யலாம். மேலும் விபரங்களுக்கு 98842 22601.